يئنه عشق رضا وئريب باشــــيما
به گزارش خبرنگار خبرگزاری بسیج از آذربایجان شرقی، شعر آقای علی شهودی این شاعر برجسته تبریزی را باهم زمزمه می کنیم؛
یا رضا...
گئجه حسرت ترانه سین باشـــــلار
حرمیندن اوزاق دوشن قوشــــلار
بیر کولون کولگه سـینده دالدالانیـــب
سیزلایار سیزلادیقجا داغ داشــــلار
بیر نسیــمی اســــر رواقینــدا ن
گلر اول غملی عاشقی توشـــلار
قوجاغینا آلیب چالار لای لای
خسته عاشق یاواش یاواش هوشـلار
هوشلایارکن شیرین شیرین یو خولار
عاشقین عشق بزمینی خوشـلار
بودور عشقین بهاسی عاشـیق لر
بئله عشقه فیدا اولار باشـــلار
غریب آقا!! تانیشدیلار سنیـــــلن
داملا داملا یوذه آخان یاشـــــــلار
شاهلار اولموش قاپیندا قوللوقـچی
باش اگیبدیر سنه قیزیل باشــــــلار
دولانارلار گونش کیمی باشــــــینا
باده عشقــیله دولان باشــــلار
دامن عشقینی دوتــــان اللـر
جنت استاری اولسادا بوشـــــــلار
سوپوره ن ساچلاریلا آســتانـــاوی
کیم ملکــلردی کیم قلــــم قاشــــلار
بارگاهیندا عقل اولـــوب مدهـــوش
نه قلم لر سینیب چاشـــیب هوشلار
بئله جاه و جلال و اجــلالی
انبیای عظام آلقیشــلار
اولموشام من محبتـین ده لیســـی
منی قوی دانلاسیـنلا تای توشلار
یئنه عشق رضا وئریب باشــــیما
یارضا سسلیرله چاووشــــلار
